[Saam TV]'रोहित पवारांच्या सुरक्षेची जबाबदारी राज्य सरकारनं घेतली पाहिजे'

राष्ट्रवादी काँग्रेसच्या खासदार सुप्रिया सुळे यांनी रोहित पवार यांच्या सुरक्षेबाबत चिंता व्यक्त करत मुख्यमंत्री एकनाथ शिंदे यांना सुरक्षेचा आढावा घेण्याची विनंती केली आहे. 'ज्या पद्धतीने रोहित लढतोय, त्याची सुरक्षा मुख्यमंत्र्यांनी रिव्ह्यू करावी,' असे सुळे यांनी म्हटले आहे. विमान अपघातात झालेल्या भावाच्या निधनावर बोलताना त्या भावूक झाल्या. 'माझा भाऊ गेला, आता कोणासोबत खरं-खोटं करत बसायचं? वास्तव सर्वांना माहिती आहे,' अशा शब्दांत त्यांनी आपल्या भावना व्यक्त केल्या. तसेच, मंत्रालयातील लाचखोरीच्या प्रकरणावर त्यांनी मुख्यमंत्र्यांकडे उत्तराची मागणी केली असून, विमान अपघाताच्या चौकशीसाठी संसदेत पाठपुरावा सुरू असल्याचे सांगितले. शरद पवार यांची प्रकृती आता सुधारत असून ते लवकरच सक्रिय होतील, अशी माहितीही त्यांनी यावेळी दिली.