[Saam TV]“घोडेबाजार कसा होतो हे सगळ्यांना माहिती आहे”
पुण्यात घेतलेल्या पत्रकार परिषदेत खासदार सुप्रिया सुळे यांनी विधानपरिषद निवडणूक, मराठा आरक्षण, रोहित पवारांचे आंदोलन आणि राजकीय घडामोडींवर स्पष्ट भूमिका मांडली. त्यांनी सरकारवर निष्क्रियता आणि निवडणूक प्रक्रियेतील गैरप्रकारांवर गंभीर आरोप केले. Supriya Sule यांनी पत्रकार परिषदेत सांगितले की, अभिजीत दिपके यांना लोकशाहीत पक्ष स्थापन करण्याचा अधिकार आहे. "संविधानाने दिलेला अधिकार प्रत्येकाला आहे," असे त्या म्हणाल्या. विधानपरिषद निवडणुकीवर भाष्य करताना त्यांनी काँग्रेस आणि शिवसेना (UBT) सोबत झालेल्या चर्चांचा उल्लेख केला. INDIA आघाडीच्या बैठकीनंतर निर्णय घेतल्याचेही त्यांनी स्पष्ट केले. तसेच "भाजपने मला तोंड उघडायला लावू नये, घोडेबाजार कसा झाला हे सर्वांना माहिती आहे," असा थेट आरोप त्यांनी केला. Rohit Pawar यांच्या आंदोलनाबाबत बोलताना त्यांनी अन्नत्यागाच्या भूमिकेवर चिंता व्यक्त करत ते मागे घ्यावे, अशी विनंती केली. मराठा आरक्षण, कर्जमाफी, कांदा प्रश्न आणि बेरोजगारीवर बोलताना त्यांनी सरकारवर असंवेदनशीलतेचा आरोप केला. "आरक्षणाचा प्रश्न सरकार ज्या पद्धतीने हाताळत आहे तो चुकीचा आहे," असे त्या म्हणाल्या. राज ठाकरे यांच्या भूमिकेबाबत बोलताना त्यांनी मतपत्रिकेवर एक निवडणूक घेण्याची मागणी योग्य असल्याचे सांगितले. तसेच कॉकरोच आंदोलनाचा उल्लेख करत शिक्षण विभागातील घडामोडी दुर्दैवी असल्याचे मत त्यांनी व्यक्त केले.